FARKLE

Farkle Reglur

FARKLE (einnig þekktur hér á landi sem TÍUÞÚSUND) er leikur þar sem markmiðið er að vera fyrsti leikmaðurinn sem safnar 10.000 stigum. Leikurinn er spilaður milli tveggja eða fleiri leikmanna sem skiptast á að kasta teningum og safna meldingum án þess að springa: þ.e.a fá engin stig þegar teningum er kastað. Margar útgáfur eru til af leiknum en við reyndum að búa til þá útgáfu sem inniheldur þær reglur sem flestir sammælast um.

Leikreglur

Kasta, stig, leggja inn

Leikurinn er spilaður með sex teningum. Leikmaður byrjar umferð sína með því að kasta öllum teningunum sex. Þegar teningunum hefur verið kastaðir getur leikmaður lagt til hliðar alla teninga sem mynda meldingu af einhverri gerð (sjá að neðan). Leikmaður verður að leggja til hliðar að minnsta kosti einn tening sem gefur stig í hverju kasti, en fyrir utan það hefur leikmaður frjálst val hvaða teningum hann heldur eftir og hverjum hann kastar á ný.

Leikmenn geta nú ákveðið að kasta aftur þeim teningum sem eftir sitja og vona að fá fleiri meldingar og þar með fleiri stig þá umferð, en varast ber að ef teningunum er kastað og engar meldingar er að fá þá hefur leikmaður sprungið. Hann fær núll stig þá umferð og teningar ganga áfram til næsta manns. Leikmenn sem ákveða að ekki taka þá áhættu geta í staðinn lokið umferð og lagt stigin sín inn. Þegar leikmaður leggur inn er öllum stigum sem fengin voru í umferðinni bætt við heildarstigin og eru örugg það sem eftir er leiks - ekki er hægt að tapa stigum sem lögð hafa verið inn. Umferð leikmannsins endar og hann gefur teningana áfram.

Allir teningar í hverju meldi verða að koma úr einu kasti, ekki má bæta við né fjarlæga úr meldingum sem lagðar eru til hliðar

Meldingar ganga ekki á milli kasta. Ef þú færð tvo ása í einu kasti og setur þá til hliðar og kastar svo þriðja ásnum í næsta kasti þýðir það ekki að þú hafir þrjá ása fyrir 1000 stig, það þýðir að þú hefur eitt par af ásum (sem gefa 200 stig), og annan aðskilinn ás fyrir 100 stig: samtals 300. Allar myndaðar meldingar verða að innihalda teninga sem fengnir voru í einu og sama kastinu.

Að springa!

Ef ekki er hægt að mynda meldingu úr neinum tening á borði hefur leikmaður sprungið. Þegar leikmaður springur er umferðin hans búin, næsti maður tekur við og öll uppsöfnuð stig sem ekki voru lögð inn tapast. Með hverju kasti aukast líkur á að springa og leikmaðurinn tekur á sig meiri og meiri áhættu. Hæfnin í Farkle er að meta hvenær vert er að kasta aftur og stefna hátt, og hvenær segja gott og leggja inn þau stig sem þú hefur að veði.

Sjóðheitir teningar

Í þeim tilfellum þar sem leikmaður hefur myndað meldingar úr öllum teningunum sex er sagt hann hafi 'sjóðheita teninga'. Honum býðst nú að kasta öllum teningunum aftur og halda sigurförinni áfram. Þau stig sem hann hafði unnið sér inn áður en teningarnir urðu sjóðheitir haldast við og eru lagðir að veði sem önnur stig þar til leikmaður leggur þau inn og lýkur umferð. Leikmenn geta því spilað eins lengi og þeir óska - að því gefnu auðvitað að þeir springi ekki.

Leik Lýkur

Leikurinn endar þegar annar leikmaðurinn endar umferð sína með meira en 10.000 stig lögð inn. Leikurinn endar ekki sjálfkrafa þó þú komist yfir þröskuldinn, því sum okkar hafa gaman að því að vinna okkur inn montrétt og vinna með óyfirstíganlegum yfirburði (þó það auðvitað sé gáfulegast að leggja inn stigin um leið og þú kemst yfir endalínuna)

Meldingar

Eftirfarandi eru meldingar sem leikurinn notar.

• Ásar: Hver teningur sem sýnir ás. 100 stig hver ás.
• Fimmur: Hver teningur sem sýnir fimm. 50 stig hver.
• Þrír ásar: Sett af þremur teningum sem sýna einn. 1000 stig
• Þrír tvistar: Sett af þremur teningum sem sýna tvo. 200 stig
• Þrír þristar: Sett af þremur teningum sem sýna þrjá. 300 stig
• Þrír fjarkar: Sett af þremur teningum sem sýna fjóra. 400 stig
• þrjár fimmur: Sett af þremur teningum sem sýna fimm. 500 stig
• þrjár sexur: Sett af þremur teningum sem sýna sex. 600 stig
• Fjórir eins: Hvert sett af fjórum teningum sem sýna sama gildi. 1000 stig
• Fimm eins: Hvert sett af fimm teningum sem sýna sama gildi. 2000 stig
• Sex eins: Hvert sett af sex teningum sem sýna sama gildi. 3000 stig
• Þrjú Pör: Hvaða sex teningar sem mynda þrjú pör. Fjörir eins tengingar teljast sem tvö pör. 1500 stig
• Röð: Sex teningar í röð (1,2,3,4,5,6). 2500 stig

Til baka í leikinn