FreeCell Reglur

Mismunandi stokkar

Það eru þrjár mismunandi gerðir af stokkum í FreeCell. Þeir eru:

• Fríhólf: Fjórir stokkar efst til vinstri.
• Grunnurinn: Fjórir stokkar efst til hægri.
• Spilaborðið: Átta stokkar sem mynda aðalborðið.

Uppsetningin

Stokkarnir í borði eru númeraðir frá 1 til 8, Stokkar 1-4 byrja með 7 spil hver, stokkar 5-8 með 6 spil hver. Grunnurinn og Fríhólfin eru tóm.

Markmiðið

Til að sigra í FreeCell þarftu að fá öll spilin upp í grunn. Grunnurinn er raðaður eftir sort og gildi, hver grunnur heldur einni sort og þú verður að setja spilin í réttri röð: Ás 2 3 4 5 6 7 8 9 10 Gosi Drottning Kóngur. Til að gera það mátt þú gera eftirfarandi:

Leyfðir leikir

• Færa eitt eða fleiri spil frá einum stokks til annars. Þú getur fært efsta spilið af stokki á spilaborðinu yfir á annan stokk ef efsta spilið á þeim stokki er einu hærra en spilið sem fært er og í öðrum lit. Til dæmis gætirðu fært ruaða sexu yfir á svarta sjöu. Ef efstu spilin á stokknum eru röðuð, t.d. þú hefur rauða 6, svarta 5, rauðan 4 sem efstu spilin, þá geturðu smellt á rauðu sexuna og fært þau öll saman yfir á annan stokk sem hefur svarta sjöu sem efsta spil. HINSVEGAR, það er takmarkanir á hversu mörg röðuð spil þú mátt færa. Fjöldi spila sem þú getur fært saman er í raun fjöldi tómra fríhólfa og tómra spilaborða + 1. Þannig að ef þú hefur 2 tóma fríhólf geturðu fært 3 spil saman. Ef þú hefur öll fríhólfin eru tóm geturðu fært 5 spil. Ef þú hefur 3 tóm hólf og 4 tóma stokka í borði geturðu fært 8 spil saman. Í strangasta skilningi máttu í raun bara hreyfa eitt spil í einu, og það að færa mörg spil samtímis eru þægindi sem leikurinn býður upp á, þar sem það er auðséð að ef þú ert með þrjú fríhólf myndir þú færa þrjú efstu spilin þangað, fjórða spilið þangað sem það á heima, og svo öll spilin úr hólfunum til baka.
• Færa eitt spil á fríhólf. Þú getur alltaf fært efsta spilið af hvaða stokki sem er yfir á fríhólf ef það er tómt. Fríhólfin geta aðeins haldið einu spili í einu.
• Færa spil frá fríhólfi. Þú getur fært spil frá fríhólfi yfir á grunn ef það er í sömu sort og einu hærra en efsta spilið í grunninum. Eða þú getur fært spil frá fríhólfi yfir á röð í borði ef spilið er einu lægra og í gagnstæðum lit en efsta spilið í röðinni. T.d. þú gætir fært rauða fimmu á svarta sexu
• Þú getur fært spil upp í grunn. Þú getur annaðhvort dregið það handvirkt eða tvísmellt á spilið til að senda það áfram. Þegar öllum spilum hefur verið raðað og öll fríhólf eru tóm mun leikurinn hreinsa borðið og klára leikinn sjálft (nema þú slökktir á þeirri virkni).
• Þú getur bakkað eins oft og þú vilt. Stundum gerir maður mistök og vill taka aftur leik sem maður gerði. Þessi síða leyfir þér að bakka eins langt og þú vilt, þó hvert bakk telst sem sinn eigin leikur hvað met varðar.

Tími og Hreyfingar

Leikurinn telur leikina sem þú spilar, og mælir tímann sem það tekur að klára leikinn, svo þú getur keppst við þín bestu leiki ef þú vilt.

Til baka í leikinn